مفاجأة نائب هيئة البترول

 

الدبور داخل ينفخ من الضيق أظاهر فى حاجة مضيقاه ، النحلة مكدبتش خبر وعلى طول راحت واقفه قدامه ، مالك فى أيه ، أيه اللى مزعلك ، مش عارف يا نحلتى ، الهيئة العامة للبترول خلا عدة مناصب لنواب الهيئة من بينها تكنولوجيا المعلومات والاتصالات ، والتخطيط والمشروعات ، والشؤون الإدارية اللى كان ماسكها الراجل المحترم حسام التونى ، والناس كلها سابت كل المناصب اللى هتفضى دى ومش وراهم كلام إلا عن الشخصية المرشحة لخلافة التونى مش عارف ليه

 

النحلة قالت له متزعلش نفسك ما هو ده مش جديد ، ما أنت عارف المنصب ده مهم جداً فى الهيئة ، أنت سمعت يا أبو الدبابير ، أن مرشح للمنصب لحد دلوقتىى محمد خشبه ومحمد ثابت و أسامة التفتازاني ، أيوه عارف ، بس أنا بأقولك اللى هيخلف التونى شخصية ستكون مفاجأة للجميع والأيام بينا ، لا يا أبو الدبابير وأتحداك ، أسامة التفتازانى هياخد المنصب وهتشوف ، طيب يا أختى يا خبر بفلوس زى ما بيقولوا.