النحلة كانت في المطبخ في يوم إجازة الدبور بتحضر الغدا ، وفجأة سمعت جوزها الدبور بيصرخ ويقول " والله عفارم عليك .. رئيس شركة دكر " سابت اللى في أيديها وجريت تعرف فيه أيه ، أيه يا راجل بتصرخ ليه كده ، بصلها كده وهو مزقطط ، وقالها تعالى شوفى أقرى كده.
ورينى
لما أشوف " رئيس شركة بترول يحيل موظف اختلس مليون و200 ألف جنيه لنيابة
الأموال العامة " ، طب أنت أيه اللى مفرحك قوى كده ، بصراحة يا نحلتى أنا لما
بلاقى أى مسئول في البلد بيكتشف سرقة ولا اختلاس في المكان اللى بيرأسه ويقدمه لجهات
التحقيق بأفرح وبتأكد أن البلد لسه بخير بجد.
تصدقى أن اللى اختلس الفلوس دى موظف كبير في الشؤون
القانونية ، وبقالوا سنة عمال يسرق في فلوس القضايا ، لكن أنت عارفه كويس " ربنا يمهل ولا يهمل
" ، وفجأة سكت الدبور لبرهة ، وصرخ في وش النحلة وقالها ، أيه الريحة دى يا
ولية ، ولسه مكملش كلامه راحت نطه من مكانها ، يا نهار أخبر الرز أتحرق ، وجريت
على المطبخ.