الدم والشعوذة بمدرسة تجريبية بالسويس

كتبت – مى ناصر

فوجئنا صباح اليوم ببوست استغاثة نشرته إحدى السيدات على موقع " السويس الإخبارية " إذا صح ما ورد به من معلومات ، سنجد أنفسنا أمام أمر غريب وخطير ، يهدد طلاب مدرسة أحمد لطفى السيد التجريبية بمحافظة السويس، سننشر تلك الاستغاثة كما وردت من السيدة دون تدخل منا ولنا تعليق وما توصلنا إليه من متابعة لهذا الموضوع الغريب.

محمد عبد اللطيف وزير التربية والتعليم

كتبت السيدة فى استغاثتها  ، يا جماعة إحنا فى مصيبة بجد كارثة ، بنتى فى مدرسة أحمد لطفى السيد التجريبية ، بنتى دخلت الحمام ، لقيت دم وأيد مطبوعة على المراية ، ولقيت المراية بتتحرك ، وحد بيقول هدبحك ، ولما طلعت من الحمام لقت الدادة واقفة وبتبرق جامد لي وبتقولى هدبحك بإيديها ،  وبنتى جاية منهارة ، وبقت خايفة حتى تدخل الحمام.

 

وأضافت السيدة ، أنا فى الأول ما صدقتش ، وقلت دى تخيلات ، حتى لقيت
 جروب الماميز " كله مقلوب وأإن عيالهم شافوا حاجات تخوف ، لدرجة إن فى أم قالت أن بنتها اتكب على أيديها كلام والكلام مش عايز يطلع من أيديها ، وأكتر من 20 بنت راحوا للمديرة يقولولها اللى بيحصل معاهم ، وكان فى بنات فى ثانوى بيحكوا اللى حصل معاهم برضو.

 

وتابعت السيدة فى كلامها ، أن ولى أمر طالبة حضر للمدرسة واتكلم مع الدادة واسمها أم مصطفى ، وقالها متروحيش ناحية الحمام خالص وعايزة تنضفيه يبقه بعد المدرسة ،  لأن اللى أنت بتعمليه ده ميرضيش ربنا وده أخر انذار ليكى ، البنات مش عارفة تنام من إمبارح ، فردت عليه أنا ما شفتش ما عملتش ، رغم أن المراية كانت لسه مغسولة ، يعنى لسه الحاجات اللى كانت مرسومة عليها متشالة ، والمديرية مش عايزة تعمل حاجة ، وأنا نزلت اسمى أهو عشان محدش يقول ده لو حقيقى كنت نزلتى اسمك.

 

إلى هنا وانتهى كلام السيدة ، ومن جانبه تابع موقع " عيون الخريف " تلك القضية ، للتأكد من صحتها ، فأكد عدد من أولياء الأمور ، أن ما نشرته تلك السيدة صحيح ، وأن بناتهم تعرضن لأمور غريبة داخل الحمام ، كما ورد إلينا أن مديرية المدرسة أكدت أن كل ما ورد فى هذا الشأن ما هو إلا كلام لم يثبت صحته حتى الآن ، و قررت إيقاف الدادة عن العمل وتحويلها للتحقيق للتأكد مما هو منسوب إليها ، ولكن هذا الحل لن يرضى أولياء الأمور وطالبوا بتدخل وزير التتربية والتعليم ،  لخطورة الأمر وتأثيره نفسياً على بعض الفتيات.