مهمة على السرير

 

النحلة والدبور

 

باب الشقة بيخبط ، على طول النحلة قالت ده أكيد دبورى ، فتحت الباب ، لقت الدبور عمال يكلم نفسه ويلعن اليوم اللى شاف فيه الأشكال دى ، جريت وراه وسألته ، مالك يا حبيبى فيه أيه ؟ أيه اللى مزعلك بس ؟ أنت مش كنت قلتلى أنك خلاص هتقعد فى حالك وملكش دعوة بحد.

 

ولسه الدبور هيشتم ، حالى أيه يا شيخة بس ،  دول عالم ولاد,,,, وقبل ما يكمل النحلة حطت أيديها على بقه ، وقالتله ، أهدى بس متعصبش نفسك فى أيه ، الدبور سكت شوية وقالها ، فاكره البت إياها ، اللى كانت عاملة فيها حكيمة فى مستشفى لعدة أيام ، وكانوا عايزين يعملولها مهمة فى حتة تانية خالص ، مع أنه مثبت وجودها فى المستشفى فى نفس الوقت ، ولولا تدخل سيجما فى الوقت المناسب وفشكل الموضوع ،  النحلة ردت عليه ، وقالتلوا ، أيوه فاكراها ، دلوقتى يا ستى بعد ما قعدت تعيط ، قالوا يعوضوها بمهمة تانية ، مع أنها لسه طالعة أكتر من مهمة قبل كده ، ما طبعاً الورق ورقهم والمأذون والدفتر بتاعهم ، فاهمة أقصد أيه ، النحلة ردت ، أيوه طبعاً فاهماك.

 

النحلة حطت أيديها على راس الدبور ، وقالتلوا ، هو مش فى ناس قعدوا مع سيجما زى ما قلتلى ، ووعدوه أن فى جهات تحقيق هتفتح ملف الناس دى ، رد الدبور أيوه قلتلك ، بس الموضوع طول والقرارات الزفت مش بتخلص ، والله هتبقه خرابة لازم يكون فى حل سريع قبل فوات الأوان ، تصدقى البت من بجاحتها عايزه تقضى المهمة فى البيت ، النحلة صرخت فى وجه الدبور ، وقالته لأ ملكش حق يا دبورى ، ما يمكن عندها المهمة الشهرية يا راجل  ولازم تكون فى السرير ، الدبور اتنرفز من كلام النحلة ، وجرى وراها وكان عايز يضربها ، وهو يصرخ فى وجهها ، غورى من هنا يا ولية ، هى ناقصة هبل ، مهمة شهرية أيه وزفت أيه بس.

 

الدبور بعد ما طرد النحلة ، قعد مع نفسه يفكر ، ما يمكن كلام النحلة صح وتكون فى مهمة شهرية ، ومش قادرة تقوم من على السرير ، وبدأ يسأل نفسه ، هو أيه حكاية المهمات اللى مبتخلصش مع البت دى ، هو فى أيه بينها وبينهم ، أظاهر كده اللى سمعته صح ، يا نهار أسود دى تبقه مصيبة ، ، أنا مش هيهدالى بال إلا لما أتأكد من الكلام ده ، يله لما نشوف أخرتها ، لما أقوم أنام ، وهو فى طريقة للفراش ، كان بيكلم نفسه ويقول ، قال مهمة شهرية قال.